80年前,广州已经有“键盘侠”!

羊城网2018-08-09 14:26:08




网络嘅开放,催生出好多网络群体同标签,其中犯众憎嘅群体,当属「键盘侠」。粤语之中嘅「键盘侠」,又系边一类人?


✎犯众憎:众人都厌恶,触犯众怒



 是非精

最黑人憎嘅键盘侠当属讲人是非,仲要系毫无根据就直接生安白造、乱噏廿四。


生安白造:胡诌瞎编、无中生有、随意诬陷

乱噏廿四:廿四是指“没有什么意思”,乱说一些没什么意思的话,相当于“胡说八道”


之前网上有一则消息,话一成都女子疑因家庭矛盾,怒而去商场碌卡购物,碌咗足足400万,搞到全商场嘅人都嚟服侍佢。


✎碌卡:刷卡


▲现场图片,来源于网络


然后就有一堆人话自己系目击者、商店店员,声称自己亲眼睇到,讲到眉飞色舞、似层层,仲配埋图。




事实系,该女子被确诊患有脑癌,心情唔好去购物,并且只系碌咗5万。从5万传到400万,可见是非精传是非有几犀利。



▲新闻截图


绝大部分嘅所谓“知情者”“目击者”,都系同当事人三九唔识七,道听途说加几张图片就添油加醋,车天车地。


车天车地:吹嘘胡扯、夸大地宣扬

三九唔识七:形容人相互间不怎么认识




 跟风驶里

旧年有一单新闻话浙江宁波一对夫妻去名古屋旅游,偷走酒店马桶盖。一开始,好多键盘侠即刻指责夫妻贪小便宜,丢晒中国人嘅架。


跟住一个公众号爆料话呢条系假新闻,根本冇中国游客偷走马桶盖,键盘侠转移话题闹“造谣者”。



跟住,风向又变咗,宁波旅游局确认事件系真实,并通报攞走马桶盖嘅唔系宁波人而系台州人,评论区又闹返嗰对夫妻,顺便插埋台州人。


跟风驶里、跟红顶白,大部分键盘侠都会做过嘅嘢,风向向边,佢就企喺上帝视觉闹另一边,务求令自己立于不败之地。


✎跟风驶里:见风使舵

跟红顶白:形容某些人对权贵阿谀奉承,对失势之人蛮横无理,“红”和“白”分别指代权贵和失势之人




 诸事理

「诸事理」就系讲一啲爱管闲事嘅人,俗称食饱饭等屎屙,人哋有咩风吹草动,一收到风就立刻过嚟加把口。


人哋分手,就专门去嘲讽其中一方;人哋吵交出轨,就要喺隔离阿吱阿咗;人哋生个仔,就要评头论足,仲肉紧过当事人,总之咩事都要理一餐,话两句。


阿吱阿咗:唠叨,且说话内容令人讨厌

✎肉紧:紧张在意某一件事,使到内心激动紧绷


我都怀疑呢班人系咪平时唔使做,我自问每日返工就攰到鬼咁,真系冇时间精力理闲事,点解佢哋可以咁得闲理人哋嘅嘢?



对于呢种人,我只想送佢哋一个表情包——




 死剩把口


仲记得之前有个新闻,一位警察烈士嘅女儿考入警校,并表示怀念自己嘅父亲,评论之中就有键盘侠嚟讲风凉话。




虽然最后查出呢位“大连交警小范”,其实系一个社会人士冒用警察名义发表不当言论,但呢种死剩把口、以中伤他人为乐嘅行为的确屡见不鲜。


如果有社会新闻讲某地发生一个咩事件,就会有键盘侠不分青红皂白就施展地图炮,直接数臭阿嗰地方嘅人,一竹篙揇沉一船人


一竹篙揇沉一船人:一根竹竿把一船人打下水去,比喻不分青红皂白打击一大片人,伤害无辜


好似有人偷猎盗猎国家保护动物,评论区肯定有人话广东人咩都食,在此我必须要声明——


广东人的确咩都食!

特别系椒盐键盘侠!



仲有啲键盘侠系一条“两头蛇”,见人讲人话,见鬼讲鬼话,令自己两边都讨好。


✎两头蛇:指在矛盾双方之间两头讨好、脚踏两条船嘅人




 三更出世


网络上好多大夹恶、讲嘢牙斩斩嘅键盘侠,现实生活中可能都系一啲冇胆匪类


牙斩斩:形容人喋喋不休地强辩或表现自己

冇胆匪类:比喻又捣蛋搞事又没有胆量的人



点解键盘侠会产生?


无非系网络规范嘅空白、问责机制嘅缺失给予佢哋一个保护屏障,匿喺网络面具后,就以为自己系正义化身,于是喺网络上也文也武、作威作福。


✎也文也武:耀武扬威


我哋都听过一句话,叫针唔㓤到肉唔知痛。每人都觉得发表自己嘅意见,并唔会造成咩影响,但其实咁样系纵容紧网络暴力。


网络暴力冇发生到自己身上,你永远体会唔到其中痛苦,当网络暴力降临喺一个人身上,往往酿成不堪设想嘅后果。当你插得人多,有日可能就到你损手烂脚


✎损手烂脚:手脚都受伤,亦可以比喻自己受到损失



大家都唔想做三更出世嘅人,所以做人做事都理智啲,唔好争做键盘侠!


三更出世——亥时(害死)人



用一个粤语词形容键盘侠,

你会用咩词?



↓如果你得闲冇嘢做,不如点下呢度!

Copyright © 日本跟团价格联盟@2017